【公子會】洛兒回憶與男友最激一次：揀咗件日本校服……
撰文：鄺鈺瑩
出版：更新：
洛兒曾以校服上陣陪男友打機，但被對方無視，好傷心。(IG圖片)
洛兒（Lokyii）不時都會喺IG上載福利圖，日前佢作客電台節目《公子會》時，就因為天氣凍嘅關係，而打扮得非常之密實，結果遭森美等人嫌棄。
洛兒接受《公子會》訪問時，因打扮太密實而被嫌棄。
節目中，洛兒被問到同男朋友拍拖時是否好狂野，她說：「都係，因為我天蠍座。」森美等人聞言後，即指曾有節目嘉賓也是天蠍座，而為人十分開放。之後洛兒被問到同男友「最激一次」是如何，佢諗咗一陣表示：「都係扮學生咋喎。」聽落好似好小兒科咁？洛兒解決唔少男生都喜歡女友一齊打機，為佢為投其所好，亦都打埋一份，並將整件事「情趣啲」，而當時佢仲揀咗件日本校服……幾位男主持聽到洛兒呢個打扮，開心到好似見到實物咁，仲話「包無死」，但點知洛兒竟然話對方完全「無視」，到底係個遊戲太吸引，定洛兒揀嘅校服出咗問題呢？反正呢位拍拖5年嘅男友已成過去……
+12