【武漢肺炎】全港搶口罩 田北辰:林鄭係咪親自去同供應商談判?

撰文:彭焯煒
出版:更新:

武漢新型冠狀病毒感染的肺炎疫情迅速蔓延,繼自由黨榮譽主席田北俊昨日(23日)在Facebook發文,批評政府在處理肺炎上的處理手法,又譏諷「武漢肺炎可能有得醫,蠢係無得醫」,他的弟弟實政圓桌立法會議員田北辰今日(24日)亦在Facebook問特首林鄭月娥,「你去咗邊度呀?」
林鄭現時正身在瑞士達沃斯出席世界經濟論壇,田北辰在Facebook發文問林鄭「去咗邊?係咪親自去同口罩供應商談判,幫我哋搶多啲貨返嚟呀?」

田北辰今日(24日)在Facebook問特首林鄭月娥,「你去咗邊度呀?係咪親自去同口罩供應商談判,幫我哋搶多啲貨返嚟?」(資料圖片 / 高仲明攝)

田北辰在帖文中提到,昨日出席了3個不同場合,因為衞生關係,已經用了3個不同口罩,但他在荃灣卻買不到口罩,要使用早前的存貨,「我相信普通市民正常生活,一日都要用到兩個(口罩),早晚搭完車都想換啦!」

田北辰說,現時口罩的需求量大,加上全香港很多人都在搶購中,「屈臣氏網站高峰期有成6萬人排隊,因為個個都唔知要捱幾耐,要買定存貨」,最後他更譏諷林鄭「快啲幫香港搶多啲貨翻嚟喎!」

港珠澳大橋免費通行政策「都幾離地」

運輸署早前宣佈今日開始,港珠澳大橋一連7日實施小型客車免費通行政策,在網上惹來批評。田北辰表示,自己無法同意這項措施,已經跟運輸及房屋局局長陳帆表達,在這個時候免費通車,讓人觀感是鼓勵跨境旅遊,「都幾離地,一定要盡快取消」。

葛珮帆在Facebook反映,很多市民買不到口罩和消毒用品,感到十分憤怒。(資料圖片 / 盧翊銘攝)

葛珮帆:市民買不到口罩和消毒用品感憤怒

民建聯立法會議員葛珮帆亦在Facebook反映,很多市民買不到口罩和消毒用品,感到十分憤怒。她批評,「我哋幾個星期前已經提咗政府,要確保口罩供應,幾個星期都冇聲氣!又冇行動、又冇要求中央政府幫助、又冇開倉派口罩,又冇限購限價?你哋想點?」