金牌總監梅小青隨時候命返無綫：志偉哥叫到，可以做到嘅都會做

前無綫《宮心計》戲劇總監梅小青（小青姐）今日（21/6）現身電視城出席無綫節目《好聲好戲》錄影。提到早前無綫相隔13年，在深夜時段重播《宮心計》再掀煲劇潮，至今仍為視迷們津津樂道。小青姐被問到何時回歸無綫幫曾志偉手監製劇集？已退休兩年的小青姐表示：「宮心計對於我嚟講係好值得去留念嘅作品，其實志偉哥叫到我返嚟幫手嘅話，我真係冇得反抗，（志偉之前講過，想搵你返嚟幫手，冇嘢係傾掂！）只要志偉哥叫到，我可以做到嘅我都會做。不過志偉哥身邊有好多人都幫得手，就好似而家準備出街嘅《法證先鋒5》都係我嘅以前嘅團隊，睇到佢哋一路路咁進步，我係睇好佢哋，希望大家繼續欣賞落去，因為所謂後浪推前浪。」