【飛虎極戰】全副裝備乾蒸拍外景 高海寧無懼高溫：興奮多過辛苦
撰文：郭敏玲
出版：更新：
夏日熱辣辣，好熱好熱！邵氏網劇《飛虎極戰》一眾演員苗僑偉、黃宗澤、吳卓羲、張兆輝、高海寧等人連日來都在西貢片場頂著太陽進行拍攝。今日有33度高溫，體感溫度卻像40度，齋企已經覺得似乾蒸，更何況一眾演員著埋高密度、極吸熱的飛虎隊制服，帶埋超隔音頭盔，儼如身在密室，有中暑的潛在危機，真心佩服他們。
33度高溫之下，著住極厚裝束，真係同焗桑拿冇分別。（郭敏玲攝）
女仔在高溫底下多一重顧慮，就是怕妝容花了。高海寧就是好例子，雖然她並不多汗，但想抹臉都要輕力，因為一不小心就會連粉底都抹走。不過她似乎不怕辛苦，「其實一直以來都好想著飛虎嘅制服，雖然好密實好熱，但出嚟覺得好型，我係興奮多過辛苦。」高Ling的興奮程度，就是每位記者為她拍照，她都一臉認真提起槍械，然後雀躍地說：「你之後Send返畀我吖！」、「我今日都幫自己影咗好多張。」
你哋覺得高Ling型唔型？佢似乎好鍾意。（郭敏玲攝）
+8
至於黃宗澤與吳卓羲，兩人都不怕中暑，黃宗澤說：「之前拍晒室內戲，而家拍返戶外場口。」據知他一日待在片場的時間長達十多小時，吳卓羲都話頂硬上。提到黃宗澤與三哥之前有對手戲要女扮男裝，他笑言三哥見到他的女裝打扮反應好大：「佢見到我都話行開啊，你好嘔心呀！」但吳卓羲就話：「唔係呀，我覺得你都扮得幾靚呀！」其後黃宗澤與伍詠薇有母子戲，Bosco讚對方是美魔女，不怕有違和感。
吳卓羲讚黃宗澤女裝打扮的戲分好靚。（郭敏玲攝）
之後佢哋示範喺直升機上游繩落地。（郭敏玲攝）
今日天氣好到⋯不行了⋯。（郭敏玲攝）