【同盟】床戰李壁琦一take完成 敖嘉年：過哂審查啦！有幾激呀？
撰文：林通賢
出版：更新：
劇中敖嘉年和李璧琦有姦情，昨晚更用舌頭傳威士忌，認真大膽。
《同盟》播了差不多兩星期，收視都不錯，不過如果冇時間整集收看，其實抽一兩段戲來看也不錯，繼胡定欣扮狗叫、擘腿之後呢，這次輪到敖嘉年表演，敖嘉年平時斯文靚仔好正氣，但做一奸角又好搶鏡，在昨晚第九集，敖嘉年竟然同有夫之婦李壁琦偷情，床上大講有味對白，但最吸引的場面，就是李壁琦提供了有效線報後，就問敖嘉年：「風我就幫你收咗喇，我抵唔抵鍚呀？」接著敖嘉年即飲一啖好似威士忌的物體，但拍戲應該係用清茶啦，含一啖同李壁琦接吻，未算激喎，為了交待兩位的激情，敖嘉年原來接吻兼傳酒俾李壁琦，還有一點烈酒從李壁琦口中流出，嘩！明哂啦，好多人鬧太激，教壞細路，但美劇、韓劇都好多這些成人情節，大家又不會鬧？而且每天在facebook、討論區看到的情慾故事，比昨晚見到的更大膽啦，所以不用大驚小怪。
鍚完之後，當然要繼續啦，不過嘉年就拉一拉張「被」，有網友就鬧好唔真實，不過電視劇做到效果就得啦，真係要除哂俾你睇咩？
敖嘉年接受《香港01》訪問時就表示這場戲一take拍完，他說：「有幾激呀？電視劇經過哂審查㗎啦，同場我邊有伸脷呀，痴綫，做咗咁多年，呢啲係男演員大忌，梗係唔會啦，嗰日好普通啫，我同Becky（李壁琦）溝通好哂，唔駛清場，拍咗一次就得，我覺得呢場交待到我同佢嘅關係，我有著褲㗎，佢亦有著哂tube-top、短褲，我最後拉起張被，係因為驚穿崩啫，最難係過酒嗰下，又要漏少少出嚟，哈哈，其實有少少唔衞生，嗰杯清茶嚟㗎啫，飲咗酒都拍呀？但引到大家討論，都值得啦。」
+3