沈震軒為操肌戒油鹽：每次放飯對我來說都係地獄
撰文：林迅景
出版：更新：
說起沈震軒，大家就應該會想起「蘭桂坊USB」這個名字。當中《喜愛夜蒲》的這個角色可謂是深入民心，沈震軒更加憑着這套戲紅到上內地再落返香港。近期他更有份參演小說改編電影《智齒》同林家楝做對手戲，戲中更有李淳、廖子妤、池內博之等人參演。
睇落個演員卡士都唔錯，有林家棟之餘仲有廖子妤。（林迅景攝）
沈震軒近來最令人「嘩嘩嘩聲」的就是日前拍攝的一輯肌肉相，胸肌足足有42吋又「手瓜起𦟌 」。沈震軒接受《香港01》訪問時説：「其實我呢次練到咁大隻嘅原因係想挑戰自己，做啲以前唔敢做嘅事。練大隻之後就可以試唔同嘅戲，又可以多做武打戲。因為我個人唔鍾意做repeat（重覆）嘅嘢。」
林家棟同埋廖子妤表示今次拍戲真係辛苦得來又好好玩。因為佢哋要喺垃圾堆同埋污水渠入面拍戲。（林迅景攝）
沈震軒在訪問中也分享了自己操肌的心得。「主要係食嘢方面要食得乾淨啲先係key point。例如炸豬扒可樂嗰啲，基本上就唔食得。操肌嗰一排，我淨係食西蘭花雞胸肉同埋雞蛋，全部都係要用水煮。全部都係無糖無鹽同埋冇油，所以嗰排心情都會比較差。」沈震軒表示，操肌的同時還要兼顧劇組的拍攝。「嗰排每日起碼做兩小時gym，而嗰時仲要兼顧一套內地電影的拍攝。其實都幾慘，因為佢哋劇組每次放飯嘅嘢食都勁油勁好味。好似宵夜咁，佢哋就飲酒食好嘢，我就自己喺側邊食藜麥。所以每次放飯對我嚟講都係地獄。」
沈震軒就話：「今次係垃圾堆拍戲，好彩係夜晚拍戲，我自己見唔到啲曱甴老鼠，如果唔係就拍唔到。因為我本身好驚曱甴。」（林迅景攝）
不過痛苦的日子已成過去，成果亦是甜美的。練就一身好肌肉，咪可以多啲戲拍，又可以挑戰下自己，係咪先？沈震軒更說：「以前我角色係俾人打或者著西裝，到宜家叫做可以打下人。」變化這麼大之餘，原來他也有借鏡學習。「好似張家輝咁以前做開化骨龍，宜家又可以拍《激戰》，搞笑又得練大隻又得。我覺得要不斷變化其實係一個演員嘅態度。其實我都幾變態，如果下一部戲叫我瘦到皮包骨咁，我都得㗎。」
《智齒》呢套戲改編自內地小說作家的同名作品。（林迅景攝）