【不可思議的媽媽】梁浸浸又扭計　Yumiko強忍淚水：要控制情緒

大陸親子真人騷《不可思議的媽媽》嚟到第7集，新手媽媽Yumiko（鄭希怡）同囡囡梁浸浸關係越嚟越好，兩個人都冇再話有爭執，進展都算唔錯。但今集又遇上難題，節目又出任務，要求小朋友同素人小朋友做才藝競賽，由媽媽負責幫手訓練，而梁浸浸就被分配到舞蹈競賽，雖則媽媽Yumiko曾經係「新一代舞后」，唱過《相對濕度》、《舞吧舞吧》、《阿拉伯市場》等等嘅跳舞歌，台上表演對佢嚟講一啲難度都冇，但要控制囡囡跟佢指令做真係相當有難度！

一開頭Yumiko已經打定輸數話：「我想我們這次也不能完成任務了。」，梁浸浸唔單止唔合作練跳舞，仲扭計要媽咪抱唔肯落地。向來冇咩耐心嘅Yumiko開始扯火，但眼見佢一直按捺住自己嘅情緒，谷到眼濕濕，佢回憶返之前自己發脾氣鬧梁浸浸嗰次：「我就跟自己說不要，因為我試過這個感覺，這個感覺太熟悉了，我不要把這個情緒再爆發。」，後來佢諗再個辦法，唔再逼囡囡學跳舞，反而播歌自己自跳舞，吸引囡囡嘅興趣，去誘導佢一齊跳舞。最後呢個方法成功咗，全場仲因為Yumiko熟練的舞蹈氣氛瞬間炒熱，成為最出色嘅一組勝出。事後Yumiko反省道：「我覺得我的小浸浸應該會害怕吧這麼多人，我想我在做什麼她都能看到，所以我最要改變的不是她，是我自己，我希望我的快樂可以感染她。