林奕匡扮女人有迴響：原來我可塑性都咁高
撰文：鄺鈺瑩
出版：更新：
林奕匡同師妹葉巧琳同時有新歌推出，所以索性一齊做宣傳。
成為人夫之後，林奕匡（Phil）更加努力掘金，不過，正所謂吊頸都要抖下氣，所以Phil日前就同埋師妹葉巧琳以及一班粉絲進行了一場聚會，由於二人最近各自有新歌《是日休息絕不工作》和《神把眼淚都留給了人》，故聚會取名為「是日工作都留給了人」。
聚會上，除玩遊戲之外，二人亦有獻唱新歌，對於自己在MV中男扮女一事，Phil笑言有咁多人討論，令他覺得為藝術犧牲也值得。「呢個MV的確令好多人大開眼界，雖然以前幫過唔同平台拍微電影，演過唔同角色，但睇完今次MV，有人覺得原來我可塑性都高，對我嚟講係好事。最近我覺得自己作為一個歌手，係要娛樂大家，可以令大家開心，我覺得值得。」
聚會時，二人玩了不同的遊戲，但最刺激嘅都係推冰壺。
葉巧琳早前因媽媽生病入院而多次落淚，但呢日佢喺聚會上都十分投入，玩遊戲時更趴在地上，她指最重要玩得開心投入：「我不嬲玩遊戲都係非常之投入，毫無儀態咁，哈哈！我覺得玩遊戲就係要投入，否則就唔係having fun。」
葉巧琳雖然超瞓身，但最後都係輸咗。
Phil於《是日休息絕不工作》中有多個不同的造型，但最爆一定係呢個……