【開心速遞】熊樹仁次次都只顧自己　唔通犠牲自己先係愛？

好多女仔都會成日問另一半到底有幾愛自己，就算不問出口，都會從個男人平日的行為表現觀察，自己心中有數。昨晚播出的一集《愛回家之開心速遞》就講呢個Topic喇，所以好多觀眾同網民都睇得好有共鳴。劇情講述熊樹仁 (單立文飾) 與女朋友David (湯盈盈) 一齊shopping完，樹仁好有紳士風度咁主動拎晒所有戰利品，反而是David提出不如一人一袋，遭樹仁拒絕，樹仁仲話：「我話過要奮不顧身去照顧你㗎嘛。」但話口未完，兩人過馬路時突然有輛車向他們駛過來，樹仁見到即刻自己一個箭步閃返上行人路，完全無理過仍留在馬路的David，結果David對樹仁梗係會失望啦。

【開心速遞】大小姐出動價值11萬電話都無辦法 博士唔肯讓出拳套

樹仁事後都好內疚自己當時沒有拉住David一起逃走，又或是幫她擋住架車，卻竟然只顧住自己。而他們一班人亦開始討論究竟一個男人要怎樣做才能反映到有幾愛個女人？拜金港女就話用錢來衡量啫，但純粹講心唔講金又點呢？結論就是每個女人都希望愛她的男人會將她放在第一位，亦即是他們所講的「鐵達尼號情意結」，男人要為所愛的人甘願作出犧牲，在危急關頭保護愛人，那怕連自己的命都不要。正如他們所講：「唔丟低你就未必一定好愛你，但有意外即閃呢，就一定唔夠愛你。」簡直是金句。唔知各位又可有同感呢？而最尾一幕都好搞笑，就是當侍應不小心將凍飲倒潟時，樹仁無幫David擋住，而是由得David被兜頭淋。其實講咩都嘥氣，果然身體是最誠實的。