唐文龍嘆TVB新演員人工低：最低工資真係令人心酸
撰文：林迅景
出版：更新：
唐文龍在電視劇《溏心風暴3》中飾演阿Nic一角演技備受好評，當中被夏雨哥兜面潑奶茶尤其經典。不過，唐文龍這麼演技出色，當然是有原因。在美國長大的他原來一直都有看美劇的習慣，接受《香港01》訪問時，更大談了自己喜歡的美劇，例如《碳變》《Lucifer》《權力遊戲》等近期必睇的美劇。
唐文龍真係幾時都咁型。
唐文龍更説到自己喜歡美劇的原因：「我鍾意有故事性嘅嘢。港劇我都有睇，只不過外國劇種類比較多，同埋佢哋資金又多。《權力遊戲》大家都有睇過係咪？人哋講緊1億美金拍一集，可想而知個製作有幾好。其實外國人好叻，佢哋個平台可以成就到佢哋嘅故事。其實睇真啲，咪又係嗰幾味。但係因為佢哋碟餸炒得靚，就係因為隻碟靚啲。」
唐文龍原來係忠實美劇迷。
網路上，經常會有人將TVB劇與美劇比較，唐文龍又點睇呢？唐文龍說：「我諗主要係劇本。不過我始終係公司出嚟，TVB對我有恩，我呢世永遠都唔會忘記。但係如果要改善嘅話，喺劇本方面可以落多不少功夫，依家香港寫劇本嘅好似諗唔到題材咁。劇本往往都係效法韓國日本美加咁樣。首先我覺得，擺喺編劇嘅資源要多啲，簡單啲來講俾多啲人工，等佢哋可以真心去寫。有時候佢哋真係唔夠開飯。」
唐文龍都經歷過低谷嘅，佢都好明白新入行演員嘅辛苦。
香港地做演員，其實並不如大家想像中的華麗。有很多演員也在為了夢想奮鬥。但卻是辛苦又只賺得微薄薪水。相信唐文龍都經歷過。他有感而發的說：「當然，TVB睇後期製作方面都好用心。所以，我覺得香港編劇方面要培訓同埋俾多啲尊重佢。同埋新一代演員方面，條件係咪可以再俾好啲呢？有時真係開飯都唔夠，當然啦冇人迫我哋做呢行，但係我哋最低工資真係令人心酸。」
唐文龍提到香港編劇人工低很有道理，劇本是一劇之本，除了口裏說尊重，也要實際的認定。