廖碧兒認戀富二代男友：我向來對感情都好認真
撰文：鄺鈺瑩
出版：更新：
廖碧兒為纖體代言廣告用兩星期減去11磅，呢日以一身紅色低胸裙大晒美好身材。（江智騫攝）
感情生活向來多姿多采的廖碧兒，近日經常與富二代緋聞男友盧啟賢（Calvin Lo）同遊芬蘭，到底係咪蜜運成功呢？呢日廖碧兒出席纖體代言活動時，就以family friend 形容Calvin，並指現階段感情狀況好開心。雖然廖碧兒話對方係圈外人，唔想講太多怕有影響，但問到男友最吸引的地方，她忍不住甜笑表示：「個人好好﹑好細心，大家又喜歡動物。你哋俾啲空間、俾啲時間我，等我可以再了解吓。」問到手上的戒指是否訂情禮物或求婚戒指，廖碧兒就話係自己買。「我向來對感情都好認真，有好消息會再同大家分享。」對於有報道指Calvin本身有女友，廖碧兒就皺眉頭表示：「據我所知佢係單身。」十分維護另一半。
廖碧兒承認與富二代男友蜜運中，並表示已經見過對方的小朋友。（江智騫攝）
講番今次嘅纖體代言，廖碧兒於廣告中身穿黑色套裝，並以deep v展露其豐滿身材。廖碧兒透露之後會有更不同的造型照曝光，並指今次以6位數字接下代言廣告，又成功減去11磅，十分滿足。「我自己希望性感得嚟要健康同靚。」問到男友滿唔滿意其瘦身成果，廖碧兒又再次笑得好甜咁話：「咁你要問番佢喎。」
之前在網劇《無間道》同廖碧兒合作的朱鑑然都有出席活動，並送上鮮花祝賀。（江智騫攝）
+2