鄭愷送寶馬賀助手結婚 網民：請唔請人？
撰文：鄺鈺瑩
出版：更新：
助手結婚，鄭愷豪送寶馬做賀禮。（影片截圖）
近年一班吸金力強的國內藝人都先後成立個人工作室，而且為了留住一班幫自己打拼嘅員工，個個都出手十分之闊綽，就好似范冰冰咁，年尾花紅最少6位數字，其宣傳總監早年結婚時，范冰冰更豪包30桌酒席、另加金跟飾品。
鄭愷與一對新人的合照。(網上圖片)
而近年因《奔跑吧》而名利雙收嘅鄭愷，雖然吸金力未有范冰冰咁勁，但人情味就一點也不輸蝕，事緣跟咗佢5年嘅助手佐超日前結婚，鄭愷上台祝賀一對新人之餘，更表示：「為了鼓勵你早點考出駕照，我給你買了一輪車，此刻在樓下停著。」講完，連隨拎出一條車匙，只眼一對新人十分之震驚。據知，鄭愷送出嘅係價值80萬人仔嘅寶馬，難怪事後佢助手都在微博發文表示：「感謝愷哥，真的 大震撼了。」而唔少網民得知後，都紛紛問鄭愷仲請唔請人。
鄭愷有份主演的電影《前任3》大收14億人仔，80萬寶馬也是浮雲。(網上圖片)