陳偉琪拗手瓜輸畀程瑤　揚言搵機會報仇

陳偉琪近期密密吸金，除接了不少登台工作，日前亦獲「仁美清叙」主席程瑤的製作公司睇中，為一間大型公司的晚宴擔任司儀。首次與陳國峰合作的陳偉琪性感現身，吸引大批賓客「集郵」。

前亞姐施綺蓮亦是當晚的坐上客，期間更與陳偉琪和程瑤上演一場拗手瓜比賽。平時熱愛運動的陳偉琪青春無敵，面對兩位「前輩」，被現場賓客視為大熱門，不過，陳偉琪與程瑤對陣時竟然落敗，最後無緣晚宴大獎，而拗手瓜大賽最後由施綺蓮勝出。

對於不敵程瑤，陳偉琪直言輸贏不重要，只想炒熱現場氣氛，她說︰「其實程瑤都係做開運動，佢好大力，我無特別讓賽，最重要係當晚氣氛好好。」陳偉琪表示經常與程瑤合作做騷，笑言不乏機會「復仇」︰「我有時間都會做運動，可能下次我會贏呢！」

至於程瑤對於贏了後輩，揚言只是對方「讓賽」︰「事前我覺得點都贏唔到佢，佢咁青春，又做好多運動，開頭用盡全力佢都面不改容，可能佢見我咁辛苦讓我啦！」