【冒險王衛斯理】伍允龍談情戲自己度動作？　林家棟話佢唔守規矩

以倪匡衛斯理系列為藍本嘅網劇《冒險王衛斯理》將於下月喺無綫翡翠台播出，除咗有余文樂飾演嘅衛斯理之外，好多經典角色都會喺劇集度亮相，就好似任達華飾演嘅白老大、林家棟飾演嘅支離人鄧石等等。提到華哥喺台上話自己好羨慕家棟、伍允龍（Philip）等可以同班索女有親熱戲，華哥受訪時就咁講：「我當年拍呢啲係要借位，要避嚟避去，所以搞到條腰受傷！佢哋兩個體育老師嚟，拍呢啲從來唔會避忌。」

家棟聽完之後就話：「其實係因為你當年用菲林拍戲，要一次過拍完，唔似依家咁，導演成日話嚟多Take，拍多幾個唔同角度。」之後，華哥又搞笑咁講：「因為Philip係體育老師，喺動作上特別要求高，就算係拍愛情戲都係咁，所以好多謝佢包容一班女同事。」問Philip拍愛情戲難唔難？佢就話自己真係好多嘢都唔識：「我問家棟哥點做好，但佢都話唔識，唯有自己度點做。」家棟即時搵位入：「哦！你自己度，我哋就跟規矩！」搞到Philip被玩到謝：「哎呀，講錯嘢！」勁搞笑。