黃百鳴否認力捧鄧麗欣而冷落吳千語

撰文:賴家杰
出版:更新:
黃百鳴係《黃金花》投資者之一(黃國立)

電影《黃金花》今晚(23日)舉行慶功宴,身為投資方嘅老闆黃百鳴當然有出席,大家都以為黃百鳴一直拍開商業電影?百鳴哥表示:「其實大家一直都以為我主要拍喜劇電影多或葉問系列多,但其實呢三十幾年自己都拍過唔少藝術電影。」百鳴哥更加透露當年來都捧過唔少男主角出嚟,今次終於捧到一個女主角,佢就係毛舜筠。

黃百鳴指與鄧麗欣合作愉快

早前有報導指黃百鳴將會力捧鄧麗欣而冷落吳千語:「其實自己同佢都有少少淵源,想當年佢仲係Cookies拍《九個女仔一隻鬼》,當時都分唔到邊個打邊個,而我就揀咗佢,到而家佢有呢個成績,證明我眼光冇錯啦。最近佢拍咗我地公司一部電影都做女主角,咁將來再合作都冇問題。千語我哋都好錫佢當佢女咁,只不過因爲佢去左內地拍劇要幾個月,所以大家少見咗佢。」

黃百鳴否認因力捧鄧麗欣而冷落吳千語的傳聞