無綫諗計幫藝人增加收入 同藝人合唱卡拉OK只需$30一首
撰文：張嘉敏
出版：更新：
Big Big Channel又有新搞作。
如果有得同無綫藝人一齊唱K，大家會唔會有興趣試下呢？呢個措施仲可以幫藝人賺外快㗎！無綫電視製作部非戲劇製作總監（綜藝科總監）余詠珊昨日(25日)出席Big Big Channel活動記者會時，就透露今年7月會推出一個讓觀眾同他們喜愛的藝員合唱的「唱K專區」，而且收費仲好平添。她說：「暫定收30蚊一首歌，或者以月費形式收費，收入會同相關藝員拆帳，希望為大家開發新嘅財路，就算個藝員本身唔識唱歌，公司都會錄到佢識唱歌咁，所以大家可以放心唱。」
TVB藝人又有搵錢機會喇。
好多人都話無綫藝人人工唔高，今次可以靠同粉絲唱K賺錢，另外於由今年5月開始，TVB還會有實行獎金制度，余詠珊表示：「公司5月將會展開劇集獎金制，目的係要鼓勵藝員落力為劇集宣傳。而喺呢個制度下，每次會有3至4套劇一齊進行比賽，喺各大網絡平台累積最高瀏覽人數嘅劇集，就可以獲得公司發放嘅10萬獎金，讓該劇的劇組去食慶功宴。」看來TVB都好為旗下藝人着想呢。
遲啲一班藝人就會為宣傳劇集進行比賽喇。