傳黃百鳴捧鄧麗欣 吳千語否認失寵：無可能淨係搵我拍

香港女演員青黃不接，日前就有傳電影公司老闆黃百鳴將力捧近期終於憑《空手道》吐氣揚眉的鄧麗欣，換言之，同公司的吳千語將面臨失勢。對於有關的傳聞，呢日吳千語出席化妝品牌活動時，表示都係最近才聽到，但就感覺不大。「佢係一個好努力的演員，亦都知佢拍了一部很好的作品。其實每個月都有戲開，無可能淨係搵我，自己都想電影圈百花齊放。」吳千語表示認識老闆黃百鳴多年，大家關係如同家人，故大家既有默契且互相信任，所以並不會因此傳聞而跟對方有什麼誤會。

提到接下來的工作，吳千語透露將會拍攝內地的網絡電影及綜藝節目。「其實係自己同公司提出，因為睇得多內地綜藝節目，覺得自己都可以一試，你話怕唔怕部辛苦？應該點都唔及拍戲辛苦啦。」