龔慈恩囡囡林愷鈴18歲變女神 自稱唔難相處：同學都知我平易近人
撰文：賴家杰
出版：更新：
Ashley將來以媽媽（龔慈恩）為目標對象。（吳子生攝）
星二代龔慈恩囡囡林愷鈴(Ashley)日前(18日)現身品牌派對，作為星二代，Ashley其實好多品牌搶住邀請佢出席，Ashley話：「我覺得非常幸福，可以經常出席呢類型活動，都好多謝媽媽（龔慈恩），佢好開放願意畀我好多嘗試。」
今年18歲的Ashley要兼顧學業，會唔會令到佢好大壓力？Ashley稱：「其實我都係以讀書為主，我希望將來各方面都好似我媽媽一樣咁敬業。」，雖然佢自己就話想以讀書為主，但Ashley18年華實會有好多男性追求，趁青春拍下拖都好合理，Ashely就話：「我覺得拍拖好講命運，我又覺得裝備好自己唔係一種浪費時間，（咁現時係單身？）我暫時都以學業為主。」
Ashley甜美嘅樣貌令佢榮升為新一代女神，但亦易令人誤會佢係一個難以接近嘅人？Ashley直言：「其實認識我...我身邊嘅同學都知道我平易近人，更加知道我份人奇怪，即係我都好多朋友囉，唔會...係囉。」
Ashley雖然榮升為新一代女神，但佢都透露自己份人好奇怪。（吳子生攝）