蔣家旻有圈外男性追求　揀男友好認真：深入了解中

蔣家妟﹑雷莊𠒇及張寶欣最近為TVB《萬眾同心公益金》的節目苦練中國舞，呢一次既表演就四個女仔一齊跳舞，而陳展鵬就會負責唱歌真係聽到都想睇。

蔣家妟本身有跳芭蕾舞底，今次跳中國舞都算係新挑戰：「今次啱啱開始學，要揸扇，所以都會有少少手腳唔協調，今次亦都要嘗試人生第一次側手翻，都有好大壓力，頭先係咁練習，都ok嘅，但要再練熟少少。」

對於自己喜歡做嘅事情Angel對自己好有要求，尤其是拍劇同跳舞，但Angel都透露自己要到八月先開始忙拍劇，所以最近自己都開始再學日文，其實將家旻2008年已經開始學日文，到宜家已經差不多學習接近十年時間：「嚟近八月先開始拍劇，但2008年開始學，斷斷續續都差唔多學咗十年，宜家已經學到高級，但係始終一拍劇就放低，所以七月要考試，宜家一有時間就不停溫書。」

除咗學日文，忙拍劇忙跳舞，Angel需唔需要都忙自己感情事呢？Ange表示有一位深入了解緊：「普通人一個，圈外人嚟嘅，深入了解緊，因為身邊有其他人介紹男仔畀我認識，我發覺我身邊好多朋友開始怕嫁唔出，好多朋友去緊Speed dating，我自己又唔係特別想搵呢一行嘅人，如果可以接觸圈外人我都會去嘗試一下。」Angel話續說：「其實我社交圈子好窄，（追求你嘅男生屬於咩行業？）咩行業都有，未了解到好深入，關於金融同做生意。」不過Angel都講自己唔係恨結婚，只係下一段感情會好認真開始，能夠結婚就結婚。