米雪25年前為陳寶華獻第一次　《開心華之里》扮阿媽直呼好玩

米雪前日（5月28日）出席編劇陳寶華港劇座談會時，接受《香港01》訪問。提到米雪曾經聽寶華姐講劇本聽到喊，米雪姐便指寶華姐每次講劇本都會講埋其他角色：「真係有哂成個畫面，佢咁樣傾劇本真係好難得，因為係好豐富到我哋演戲。」

談到寶華姐1993年成功說服她為《開心華之里》處女演人母，米雪姐即笑指角色是非一般媽媽：「個媽媽角色係一個長唔大嘅媽媽，即係一個細路女，只係個身份係媽咪，個仔仲要管返住我呢個阿媽，成個少女咁，我覺得好好玩，所以就接呢個角色。」

至於會否客串寶華姐主理的《多功能老婆》？米雪姐就話好快就要忙住籌備舞台劇演出，所以撞哂期：「短時間內都唔得，剛剛又返完國內拍古裝劇。」

【深宮計】米雪客串3分半鐘觀眾未夠喉：拍緊《溏心3》冇時間！