【世界盃】李佳芯貼比利時攞冠軍:以前撐英格蘭

撰文:翁漢瓏
出版:更新:

世界盃熱潮來襲,李佳芯Ali今(7日)偕同林師傑出席商場舉辦的世界盃活動,Ali被問及心水隊伍,曾任體育節目主持的Ali笑言:「本來我支持英格蘭既,不過我以前留意開既球員大部分都已經退伇,又或者去咗做教練,依家比較留意比利時,我覺得佢今年係黑馬嚟!」當然問到與男友陳炳銓會唔會都撐同一隊啦,Ali都表示唔知道佢支持邊隊:「呢啲野你緊係問番當時人啦,(你唔係好熟佢?)唔熟㗎,突然之間唔熟,邊個嚟㗎。」

李佳芯最近忙拍新劇《白色強人》,雖然好少時間訓覺,但今日出席活動依然夠精神。

最近Ali忙於拍攝劇集《白色強人》,需要經常趕赴深圳,加上近日天雨連連,到底有否影響到拍攝進度?她表示:「最近兩日因為颱風係有少少影響,不過次次落車開拍既時侯天氣又好番,即使間中有驟雨都冇影響到進度。但係次次張曦雯次次黎到片場都會因爲突然大雨而停機,所以我決定封佢做TVB新一代「雨神」。」

 

+5