【2018世界盃‧有片】范振鋒自認英格蘭死忠拒盲撐:呢10年好唔掂

撰文:吳子生
出版:更新:

范振鋒現身荃灣出席足球王嘉年華,同場有羅鈞滿,吳國敬,林國峰,林作等人為慈善活動打打氣。

范振鋒(亞范)穿起球衣落場踢波,有板有眼仲有入球,原來佢都有踢開波架﹗作為標準球迷,今個月開鑼囓世界盃點會錯過。亞范直言:「由細到大鍾情英格蘭,但呢10年8年都好唔掂,令好多人好失望,如果講實際一定係巴西。」

范振鋒著起球衣講世界盃,最睇好都係巴西隊。(吳子生攝)

近年喺螢幕前少咗見到亞范,事關佢近年升呢做老闆,開娛樂公司又進軍飲食業,忙過不停,勞得盤滿缽滿!最近又有新搞作啦,亞范透露:「近期製作緊一套戲,講述一啲社會議題,民生有關,本土又貼地嘅電影,因為本身自己喜歡做幕後,又會做埋監製,到時一腳踢,可能忙到冇得訓。」

范振鋒希望將更好生活送給太太。(吳子生攝)