Jessica C.極速生8.8磅巨B  產後食雪糕降溫

撰文:張嘉敏
出版:更新:
JC前日順產誕下第二胎,並已極速出院。(Heaven’s Love Photography)

混血名模Jessica C.同老公安志杰 (Andy) 的第二個愛情結晶品出世喇!恭喜晒!JC前日順產誕下第二胎,今胎的仔仔同大女湊成一個「好」字,仔仔取名Elvis,重8.8磅,分娩過程非常順利, 10分鐘就搞掂,真係極速呀,生完仲好精神添!榮升做第二任爸媽的JC同Andy既開心又感動,榮升做大家姐的囡囡Tessa當然都好興奮啦,見到細佬即刻飛撲埋去要錫錫,又輕輕摸細佬個頭仔,好sweet。Andy帶住囡囡Tessa去接JC同Elvis出院返屋企,一家四口極之溫馨。

Elvis好可愛呀!(Heaven’s Love Photography)

JC現時已經在家中休息,外國人基本上沒有坐月的概念,所以JC亦不用遵守甚麼坐月禁忌,鬼妹仔性格的她生完仔之後已立即飲了一杯冰以咬食冰粒來降溫,回家之後又口痕食雪糕,呢位潮媽絕對係百無禁忌呀。為了將最好的給BB,JC今胎同上胎一樣都會堅持餵餔母乳,由於囡囡目前仍有飲人奶,JC餵仔仔之餘都會繼續餵埋囡囡食人奶,等仔女可以健康成長,就算幾忙幾辛苦都不計。囡囡Tessa在家中都好鍚細佬,暫時並無表現出妒忌同爭寵的反應。

左邊係囡囡Tessa,右邊係仔仔取Elvis。