【好葡萄！】林雪孖碧咸澳門拍廣告拖手仔合照：佢攬住我影相
撰文：洪曉璇
出版：更新：
每次有香港藝人衝出國際，同巨星合作拍攝大家都與有榮焉。林雪早前去了澳門3日拍攝一個大型廣告，今日廣告 Teaser終於曝光，原來林雪係同國際萬人迷碧咸拍攝澳門威尼斯人的全新廣告，而片中出現的另一香港代表為羅蘭，另外尚有四位國內藝人包括女星柳岩、喬杉、楊迪和超級網紅草圖君。
大家仲記唔記得之前碧咸上載攬住羅蘭姐呢張相？（碧咸IG）
片內，見到碧咸從一間冰室衝出，扮廚房佬的林雪則着住白背心綁上圍裙，一臉凶神惡煞，帶住楊迪和草圖君於冰室現身，至於臉容帶點詭秘的羅蘭姐則從簾後走出。整個廣告teaser只見幾位藝人演員在澳門的懷舊氛圍下出場，但相信仍未去到戲肉，可能仲有更多林雪同羅蘭嘅戲份未曝光。
廣告一開始碧咸於一間冰室跑出嚟。（影片截圖）
羅蘭姐個樣好陰森呀。（影片截圖）
林雪雖已拍過多個大型廣告，但今次夥碧咸這個國際紅人拍攝廣告，都令佢相當難忘。林雪表示：「以前睇波時已經覺得碧咸好有型，原來真人仲靚仔，又高大，仲高我好多，佢好nice冇架子，仲攬住我影相。」
就正如有吳宇森就會有白鴿，有碧咸緊係要有足球啦。（影片截圖）
做廚房佬林雪絕對入形入格啦﹗
林雪同碧咸拖手仔呀﹗好羨慕。