【董事廚房】李施華渴望有伴:有冇人想煮嘢食畀我

撰文:吳子生
出版:更新:

陳豪、李施華、滕麗名今日(9)為飲食節目「董事廚房」在大埔虛街市進行拍攝工作,吸引現場一大班街坊圍觀拍照,令現場十分擠擁。

兩位好姊妹李施華、滕麗名走入街市,揀選新鮮食材,對人妻滕麗名嚟講駕輕就熟啦。阿滕表示:「都會有去街市買餸煮吓飯仔,自己最鍾意煮中式菜,因為我同老公每次出街食完飯之後,都會抄低食過嘅菜式,然後返去煮。」施華就話:「平時都好少去街市,其實自己都冇乜時間可以煮到餸,都喺買外賣食,煮都喺煲吓湯飲吓,如果一大班人都會煮嘅,但依家一個人就好少煮囉。」

滕麗名、李施嬅為「董事廚房」節目做飲食嘉賓(陳順禎攝)

旁邊阿滕笑話:「哈哈,嗱,尋人廣告呀。」施華話:「有冇人想煮嘢食畀我先,其實我依前喺一個奴隸,會煮飯畀人食,同班姊妹出trip節目都喺我安排所有嘢,我都好想俾人服侍下,如果有人煮飯畀我食都幾好。」

李施華表示目莉單身,好想有人煮嘢畀佢食(陳順禎攝)