【曼谷唐人街】陳展鵬狂操肌等開工 胡定欣冇影姚子羚頂上

撰文:黃欣華
出版:更新:

有消息傳出TVB監製文偉鴻將會繼《城寨英雄》同《同盟》之後,再同陳展鵬聯手合作新劇《曼谷唐人街》。劇集預計10月底開拍以動作為主,故事講述華人到不同國家的奮鬥史,製作預算比同盟還要大。

有指文偉鴻的新劇《曼谷唐人街》會繼續沿用《城寨英雄》班底,包括陳展鵬、姚子羚、伍允龍、王君馨同敖嘉年等演員,獨欠視后胡定欣。對於開拍新劇《曼谷唐人街》姚子羚接受《香港01》訪問時就透露:「初步知道係hold咗個期,但演員方面淨係知山聰都有份。〈定欣會唔會拍呀?〉咁要問返監製同定欣啦!」

胡定欣拍攝劇集《包青天》意外墮馬:韁繩斷咗將我從馬頭飛出去

姚子羚罕有性感成焦點 分享拍飲食節目狂食榴蓮:食到成口生痱滋

姚子羚又稱自己十分期待這部新劇:「如果真係可以參與的話,梗係期待啦!之前都同Jazz〈文偉鴻〉合作過,都好鍾意佢嘅作品。〈如果要再做打女係咪都無問題?〉自己都OK嘅!依家都開始做返Gym練返好啲體能。〈之前《同盟》就同山聰演一對,今次想唔想繼續前緣?〉都想嘅!始終同山聰本身都熟又有默契!再加上,上次《同盟》大家都好鍾意呢對組合。」對於網民希望姚子羚能夠坐正做女一,她就笑稱:「多謝大家支持!有份參與呢套戲好開心,我會加油!〈監制有無同你哋講要去曼谷取景,實景拍攝?〉未同監制傾,所以詳情未知呀。」

胡定欣近年除咗拍劇,亦有參與電影和舞台劇的演出,而且成績相當唔錯。當中由胡定欣擔正做女一的電影《逆流大叔》票房亦衝破600萬,贏盡口碑,吳鎮宇更揚言要搵胡定欣開拍《逆流大嬸》,如今胡定欣靠實力令事業愈得意,分分鐘會與其他一線花旦如佘詩曼、胡杏兒和楊怡等一樣離巢搵真銀,未必再願意接拍《曼谷唐人街》。而王君馨就表示未正式收到通知,所以唔清楚,知道真係出演就會通知大家!