【港姐2018】工藤佑采隔空開火還擊TVB：唔鍾意我都唔使黑我㗎
撰文：林迅景
出版：更新：
工藤佑采跳舞又真係爭少少嘅。（梁碧玲攝）
「香港小姐2018」競選就已完結了差不多一個星期，但周邊花生新聞卻日日新鮮。繼競選當中最強「Poker Face」工藤佑采被網民揶揄「跳舞勁hea」、「拉小提琴拉到劏雞咁款」，工藤佑采近日又於個Instagram正面回應之後，就獲得了張敬軒的賞識，最後張敬軒更與工藤佑采互換IG頭像兼親獲「皇上」（張敬軒花名）加冕稱呼為「女皇」，事件迅即令到各界人士羨慕又妒忌。
工藤佑采拉個小提琴又的確走咗音。（電視截圖）
當然以上所說都是舊聞，皆因剛剛（9月1日，下午4:30）我們的女皇大人又再出新招，今次更是史無前例地在Instagram「單挑」舊主顧TVB。
工藤佑采Instagram上原文寫道：「TTv都幾有趣～個處理方法都幾好喎丶我幾時有拒絕過落選之後要上台跳舞？ 我地（哋）幾個落咗選嘅女仔包括我在內明明系米（喺）後台哭完都上台跳舞！講到好似佢哋束手無策咁！總（仲）要如簧之舌甘（咁）？好辛苦先叫到我上台? 吾（唔）鍾意我都唔使黑我嫁（㗎）～TTv 比賽甘（咁）多奇怪事情我都冇廣（講）出黎（嚟）、比賽最後一個星期要冇跳舞底嫁（嘅）我地（哋）學四個舞～你期望可以跳到dancer咁。TTv 根本就是佢吾（唔）要你丶都吾（唔）比（畀）生路你行～」
文中工藤佑采雖然避重就輕就沒有指名道姓「佢」即是誰，不過根據推測，明顯地矛頭直指「香港小姐2018」的監製何小慧小姐以及TVB，更指跳舞差完全是因為自己並無跳舞底子，根本就不是「Hea」跳，又表示何小姐此番發言是因看她不順眼兼抹黑，「唔畀生路佢行」。
下集請按以下連結：
【港姐2018】工藤佑采又爆Seed挑機TVB爆選舉內幕：人在做天在看
【港姐2018】工藤佑采IG辣火頭嘲博見報 黃心穎：成件事調轉嚟！
圖片重溫當晚「女皇」的表現：
+17