【港姐2018】工藤佑采IG辣火頭嘲博見報　黃心穎：成件事調轉嚟！

工藤佑采（Yutori）繼昨日（1/9）在其個人Instagram，連環發炮，不點名批評TVB與《香港小姐》節目監製何小慧之後，有傳媒昨晚在《牛下女高音》煞科宴活動中，問及2012年香港小姐亞軍黃心穎有關工藤佑采的言論時，黃心穎不留情面的抨擊：「佢做唔到係自己問題，仲以為黑面係佢跳舞態度，如果係做人態度就唔抵爭。」更直言對工藤佑采「徹底失望」。豈料事隔不足24小時，工藤佑采剛於今日（2/9）再於個人Instagram上載黃心穎的相關報道截圖，然後批評「黃小姐」，言語間充滿濃烈的火藥味：「你堂堂三甲香港小姐，連閱讀理解都唔識？真係叻豬！黃小姐，你唔使咁護主心切喎！」明顯地不滿黃心穎對傳媒的答覆而公開「下戰書」，文中反指「黃小姐」借自己（工藤佑采）博見報。

「工藤佑采」黑面事件懶人包：

第一回：【港姐2018】工藤佑采隔空開火還擊TVB：唔鍾意我都唔使黑我㗎

第二回：【港姐2018】工藤佑采又爆Seed挑機TVB爆選舉內幕：人在做天在看

黃心穎回應：護乜鬼主心吖？！

「黃小姐」（黃心穎）接受《香港01》電話訪問時說：「其實嗰晚我都有在場睇呢個表演。我仲好記得嗰一刻『咦！原來佢哋都要出嚟表演㗎喎！』我仲好深印象就係1號仲係好好笑容，好落力咁跳仲跳得幾好。其實我都冇留意到呢位小姐，係後尾啲報導出嚟我先有留意到。（工藤佑采喺IG話你護主心切......）護乜鬼主心吖，其實有參選過嘅人都會知道，其實去到係要打定輸數，同埋我唔相信佢哋最後一分鐘先叫你出去跳囉，呢啲喺個節目度係應該有㗎，你應該預咗呢件事囉。」

關於工藤佑采在IG上對她的批評，黃心穎以一種頗為無奈的語氣回應：「我覺得都去到最後20強，就珍惜自己喺舞台嘅機會啦，都要過得自己嗰關㗎嘛，都想留返一個好印象畀自己。所以我都唔係好明，我唔係好知道呢個人，佢仲要話我要靠佢上報，其實我都唔係好想同佢個名扯上關係。我反而覺得成件事係調轉嚟，仲話我好想博見報。」