【玩X爆泰國】KB裸曬「優質股」：要玩就要玩盡佢

Super Girls成員吳嘉熙（Cheronna）首次與李健宏（KB）合作拍攝旅遊節目《玩X爆泰國》。上一集就介紹紋身，今個星期六晚（10集）就會帶大家暢遊有人間天堂之稱的蘇梅島，同陽光玩遊戲。KB在節目中繼續發揮喪玩本色，吩咐Cheronna在自己屁股上，用黑色膠紙貼上自己「KB」兩個字。Cheronna坦言：「要我掂佢屁股真係有啲尷尬，因為我從來都未試過咁，要我無啦啦肉貼肉掂KB個Pat Pat，但又覺得幾好笑幾好玩，係一個幾特別嘅回憶嚟，雖然今次只喺玩浮潛，已經好興奮，因為蘇梅島我未嚟過，呢度真好靚，下次我一定會再嚟。」
 

潮人KB今次創下香港開埠以來，第一位藝人在鏡頭前曬股。「陽光咁猛烈，天氣又咁好，緊係唔好浪費佢啦，一於玩盡佢，攞佢Pat Pat出嚟曬，睇下要用幾耐時間可曬出「KB」兩個字，其實我哋啲男仔平時邊會攞個屁股出嚟曬㗎，啲皮膚好柔嫩㗎，遲啲我為咗要紀念同Cheronna做呢個節目，我會紋自己同佢個名落PatPat度，等我成世都可以坐住佢，哈哈。」