契仔桃色糾紛拖累慈善基金 辣㷫黃夏蕙：保留法律追究權利
撰文：吳子生
出版：更新：
黃夏蕙孖住契女艾美琦出席油麻地舉行的《亞洲會六周年晚慶會》活動。夏蕙姨講及契仔郭家健（Ken）「桃色糾紛」幾把火，表明與契仔脫離關係，並劃清界線，會保留法律追究權利。
夏蕙表明與阿Ken並沒有正式上契，並稱不上契媽契仔關係。（黃國立攝）
夏蕙姨接受《香港01》訪問時說：「喺Facebook 有人問我，話我做乜嘢點解牽涉到基金啲嘢，話我夾埋阿Ken去呃人啲錢，我個基金7月先發牌，我又未籌款，何來有去呃人，成件事係阿Ken個老女人寫出嚟，辣㷫咗我，我就即刻走去問阿Ken，『你搞乜嘢都唔好拉我落水，仲乜攞我同你影嘅合照去俾個女人呀，個女人利用我哋啲相去抹黑我。』咁阿Ken就話：『老實講我性服務啫，我係鴨嚟㗎，佢搵咗我兩年啦，佢依家想攞返呢兩年佢對我嘅百萬使費。』咁我就同佢講你咪叫佢寫返張欠單，你咪再服務多兩年囉，覺得個女人好有問題，冇理由服務完又要攞返錢，食完嘢又要人回水，咁梗係唔得啦。」
夏蕙姨於晚會上大展歌喉獻唱助慶。（黃國立攝）