張致恆過夜冇帶底褲　關智斌好嬲：唔怕我借T- back畀你？

Boyz今日（2/10）到商業電台為演唱會宣傳。當年首本名曲《死性不改》唱到街知巷聞，無人不曉，相隔16年終於在10月16日假Star Hall舉行個唱。關智斌（Kenny）表示：「起初搞呢個演唱會時，都擔心銷情問題，唔知反應會係點，於是同張致恆（Steven）拍咗啲平時相處真實嘅短片放咗上網，估唔到反應咁熱烈，啲人仲叫我哋不如自己開個頻道，拍多生活上嘅嘢同大家分享。」

那些年的Boyz及Twins是港人的集體回憶，問觀眾會否灰演唱會當日能見到他們同台演唱？關智斌賣關子說：「嘉賓名單方面係唔可以透露嘅，因為啲飛都好貴，希望畀買咗飛嘅人有一個驚喜。」在旁張致恆大爆話：「今次嘉賓我哋請咗個姓張嘅⋯…係請咗張致恆，及隆重邀請本世紀我最喜愛的男歌手關智斌呀，佢首新歌叫《關愛座》，哈哈！」

早前關智斌豪擲1700萬購入清水灣豪宅，還首次邀請好兄弟張致恆入住一晚。提到張致恆當日沒有帶內衣褲，關智斌甚為氣結：「邊有人去人屋企唔帶底褲㗎！」張致恆話：「你有新底褲㗎。」關智斌沒好氣話：「你唔怕啲人啲底褲會黃㗎，雖然我啲底褲唔會黃，但你唔怕會係T- back咩，如果我啲底褲『黃噤噤』咁點算呀，雖然我唔會。」張致恆話：「你唔會滴嘅⋯⋯咪漂囉，哈哈。」關智斌話：「有冇搞錯啊，你講啲嘢出唔出得街㗎。」