【警訊】麥包曾被騙幾百萬 嘆路遙知馬力 ：一直搵律師搞緊
撰文：賴家杰
出版：更新：
麥包（麥長青）今日（10日）現身《警訊》節目進行拍攝，麥包笑言從小時候已經觀看《警訊》：「我小時候一直都好想拍《警訊》，好想做警察覺得好威，但到人大咗，就唔想做警察，想做賊，因為人長大，喺社會都睇到好多事，發覺有啲人笑容滿面好慈祥，但笑笑口走埋嚟其實想咬你，其實係衰人。」
麥包（麥長青）今日（10日）現身《警訊》節目進行拍攝。（陳順禎攝）
早幾年麥包曾經被騙徒騙了幾百萬，至今還沒有解決好：「其實呃錢係事小，但牽涉落嚟嘅麻煩幾年都未解決到，一直搵律師搞緊，所以提提大家世界無不勞而獲，踏實啲工作。能夠呃你嘅人都係你信任嘅人，我唔係叫大家唔幫朋友，但真係要用內心去睇，因為路遙知馬力，日久見人心。」麥包稱當初如何渡過這個困難，全因為一個圈外朋友幫忙，所以很感激他。
麥包早年曾遇上騙徒被幾百萬，他呼籲大家要小心不要被騙，不然就會像他現在這樣不斷努力工作。（陳順禎攝）
另外，近日江美儀被爆出離婚事件，作為好朋友的他有沒有關心美儀？「朋友當然會關心，但搞到我好困擾，因為好多朋友打俾我或發短訊鬧我，問我點解美儀單身兩年唔通知我，咁好嘅筍盤，等我哋追佢，但其實我真係唔知佢單身咗兩年。」但是美儀也因為隱瞞婚姻也給網民說她欺騙大眾，麥包幫好朋友反擊的說：「其實有乜所謂，又唔關你哋事，佢自己嘅事，大家結婚都無話我知，同埋人要展望將來，唔她去想唔開心嘅事。」