【大星講】毛舜筠被周星馳引發喜劇細胞：當初只覺得自己識做文戲
撰文：鄺鈺瑩
出版：更新：
毛舜筠話當年無好好珍惜演《紅樓夢》林黛玉一角。
毛舜筠作客最新一集ViuTV節目《大星講》，向來都係好戲之人的毛姐今年憑《黃金花》首次封后，不過她在節目中，透露當年其實入行時，其實對演戲並太感興趣。「我嗰陣夢想工作係拍拖。」
毛舜筠今年憑《黃金花》先在金像獎摘下影后，日前又在亞太影展中再奪后。（資料圖片）
毛姐提到當年佳藝電視找她演出《紅樓夢》林黛玉一角，當時她在家中接到電話，誤將佳視聽成街市，又以為父母會反對所以一口拒絕對方。「爸爸當時在麗的做翻譯，媽媽負責手寫字幕，所以我由細到大都在電視台長大，爸爸雖然怕辛苦反對，但佢都讓我作主。」毛姐指入行時只係感覺好玩，從未諗過要做大明星，主持人陳海琪、陶傑問到最想做的工作是什麼，毛姐即笑言係拍拖，「長大後發覺拍拖好浪費時間，嗰陣應該學多啲嘢，因為年紀大學嘢吸收得好慢。」
演出《他來自江湖》令毛舜筠感受到喜劇原來可以咁好玩，而周星馳亦成了毛姐最祟拜的男喜劇演員。（網上圖片）
節目中，毛姐提到加入無綫後，在《他來自江湖》中與周星馳合作，成了人生重要的一步。「演《他來自江湖》初期，我仲拍緊《水鄉危情》，覺得自己係個文戲人，但入戲之後覺得好有趣，加上星仔同導演李力持諗好多嘢去搞笑。」毛姐指周星馳絕對是她的啟蒙老師，從對方身上看到不同的精彩。「佢拿捏節奏好好，在搞笑方面跨張得嚟夠真實，同埋喜劇本身唔可以教，但星仔計算得好盡。」自得感受到演戲是什麼一回事後，毛姐對任何一個角色都十分珍惜。「但要做到享受一個角色就必需要熟能生巧，有啲演員唔會將劇本讀得太熟，因為怕『滑』咗無感情，但我自己係要永遠熟到一個地步，因為拍攝時，有任何嘢發生都唔會影響，咁先好玩、真實同加分。」毛姐更指出有演員只會背自己部分的對方，鬼馬的她更多次為整蠱而改對白，令對方無法順利完成戲份。