李若彤二十年來堅持做運動 凍齡全靠飲呢樣嘢
撰文：賴家杰
出版：更新：
小龍女李若彤（Carmen）今天（17日）出席美容品牌活動，許久沒在香港露面的她說道，因為近年常在內地工作，所以這次在香港出席活動令她很懷念。Carmen在訪問中透露她多年來保養心得全因「堅持」兩個字，「其實好簡單，我嘅秘訣就係生活習慣方面，每朝飲暖水，人哋通常都會問我飲乜？我回答飲暖水就可以㗎喇，佢哋都好驚訝，而我真係唔飲其它嘢，茶、咖啡、果汁及汽水我極少......極少，我諗我二十幾年冇飲過，我係唔會掂，飲咗會唔舒服。」
小龍女李若彤（Carmen）出席美容品牌活動。（陳順禎攝）
除了二十年堅持只喝暖水之外，Carmen還一直堅持做運動，她透露其實自己早就已夠資格當教練了。那為什麼她不去考一個教練執照？「我呢一個人就好奇怪，我覺得我做乜要考，我識咪得囉，我有呢一個知識就可以喇，我又唔係想要收學生。我唔知道，我冇諗過囉。不過譬如說我喺健身室做運動的時候，說有鄰居做得唔好，我會忍唔住走去話畀佢知應該咁做，咁做可能會好啲。」
Carmen笑言平時健身時候肌肉線條會更加突出，今日活動她也自信Show出手臂。（陳順禎攝）
+9
《神鵰俠侶》近日宣布第8度翻拍，這個消息Carmen也是剛剛才得知。「我覺得無論邊個做都好，如果佢好用心投入去做，所有人都應該去鼓勵，支持一下。」被問到她認為歷屆的小龍女最好是哪一位？會不會是她自己？她表示，「我唔敢講，留返觀眾評價，我覺得每一個人都唔同。」
對於第8度翻拍《神鵰俠侶》 Carmen表示相當期待。（陳順禎攝）