【獅子山下2018】鮑起靜演拾荒婆婆：化咗妝啲街坊都唔認得我
撰文：吳子生
出版：更新：
鮑起靜（鮑姐）今晚（18/10）出席金鐘舉行的「69周年國慶晚宴」，現場星光熠熠，包括鮑起靜、黃百鳴、樂易玲、譚俊彥和今屆港姐三甲 ── 陳曉華、鄧卓殷和丁子田等等。港台劇集《獅子山下》鮑姐飾演一名拾荒婆婆：「最近拍咗幾晚通宵，做一個執紙皮嘅婆婆，我覺得幾過癮，又要扮老執紙皮，呢個故事都好感人，劇本寫呢個故事都幾淒涼，如果睇到佢哋嘅境況，原來香港好多老人家被人遺忘，佢哋真係需要人照顧。」
鮑姐表示化老妝需一個半小時，還要用白頭髮水將頭髮變白，更令到頭皮敏感。（葉志明攝）
鮑姐老妝好唔鮑姐。（香港電台）
鮑姐透露要演好執紙皮婆婆這個角色是大有學問：「我本身都會經常去北角街市買餸，都會經常見到執紙皮嘅婆婆，都會請佢哋食嘢傾吓計，當我接到呢個角色，各色各樣嘅紙皮婆婆嘅神態動靜都呈現喺我個腦度，連深水埗啲街坊都唔認得我，仲話我周圍請人食燒肉咁好。」
鮑姐希望陳展鵬早生貴子，一家人幸福快樂。（葉志明攝）
+3