「尿袋」爆炸自焚狂噴黑煙　嚇死衛蘭、王君馨同鍾舒漫齊嗌痴線

手提電話充電器即「尿袋」發生爆炸時有所聞，而今次就發生在衛蘭 (Janice) 、王君馨 (Grace) 以及鍾舒漫 (Sherman) 她們其中一個的「尿袋」身上，個「尿袋」爆炸自焚完更冒晒黑煙，好彩她們三人都平安無事，虛驚一場。她們事後分別post了IG story同大家分享呢個驚險的經歷。

事發於昨晚 (20號) 三人齊齊到澳門欣賞Mariah Carey演唱會的時候，短片原本影住她們又唱又跳，之後鏡頭一轉就影住地上有個「尿袋」冒起黑煙的畫面，頭尾兩邊仲已經燒到爛晒，她們置身商場入面嚇到花容失色咁樣。留意一下個「尿袋」的牌子，並非中國牌子，而是日本牌子，但就不知道生產地。Grace嚇到呆了並大叫：「呢部充電器，跌咗落地下跟住噴煙，黐線！噴到咁喎！」身邊的Janice就用手機拍下當時的情況，並寫道：「That was intense...」Sherman就話嚇死她們喇，好彩無人受傷，又提醒大家一定要小心自己的充電器。

睇下當時個情況有幾驚險。