被Google監聽一舉一動? 周秀娜:聽落覺得好恐怖!

撰文:關穎賢
出版:更新:

以白恤衫襯天藍色闊褲的周秀娜(Chrissie)出席《Marie Claire瑪利嘉兒周年慶祝晚宴 暨 頒獎典禮》,平時經常會留意時裝的Chrissie接受訪問時透露,閒時都會睇時裝雜誌及任何有關時裝的資訊:「依家資訊好勁,如果平時你睇開啲咩,你打開瀏覽器全部都係嗰啲嘢!係根據你睇嘅嘢,俾返咩類型嘅嘢你睇。」

周秀娜穿上白色恤衫,再紮起馬尾,清爽得來亦不失女人味。(黃國立攝)

問到可有聽過Google監聽,可能就算跟朋友談話中提及想買飾物,過一會兒,電腦或電腦瀏覽器全部都會出現飾物的廣告。Chrissie聽到即指有聽過朋友提及此事,笑言起初不相信,但知道身邊朋友都有類似經歷:「我初初聽到覺得咁神奇?但聽落覺得有啲恐怖,我以前冇咁sensitive,只係覺得呢個世界咁好嘅。」

娜姐表示完成所有宣傳及謝票活動後,想離開香港好好放假。(黃國立攝)

至於可會因此而少了用社交媒體,Chrissie指最恐怖其實是你沒有直接跟電話對話,但因為社交媒體是跟觀眾及粉絲互動的渠道:「好似人工智能咁,雖然聽落有啲驚,但係一個將來幾大嘅趨勢,諗深一層係一個可以好好利用嘅科技。」