單文柔意外懷孕提早結婚 陀B取消北極光渡蜜月之旅
撰文：賴家杰
出版：更新：
單文柔（Phoebe）公佈懷孕後，首次出席公開活動，Phoebe表示心情十分興奮之餘，更終於可以跟大家分享陀Ｂ感受：：「因為之前有朋友問我幾時會有小朋友，我都係答想順其自然同埋想要二人世界，但展鵬好鍾意小朋友，有係上天畀我地嘅禮物，咁都見到佢好高興。」
單文柔（Phoebe）公佈懷孕後首次出席公開活動。（葉志明攝）
原本二人結婚後打算去渡蜜月，但現在因Phoebe懷孕了而打亂這計劃，Phoebe透露心情有矛盾：「我哋係好事成雙，知道呢件事之後就提早結婚，但渡蜜月就擱置咗，原本係想去睇北極光，呢個係上年已經傾緊，點知上天送一份禮物畀我哋。」Phoebe直言是有點不開心，因為沒有了渡蜜月，希望將來會有「Babymoon」。
二人在結婚後短短一個月便宣佈懷孕消息，二人將榮升父母，Phoebe指有跟老公反映過很快便沒有二人世界這個問題，「佢（陳展鵬）同我講我哋依家爭取二人世界，同埋承諾咗我小朋友出世後都會有我哋之間嘅二人世界。」
Phoebe表示不知道小朋友性別，還沒有檢查，但是男是女也會很高興。（葉志明攝）