陳智燊囝囝百日宴著型爆親子裝 宋熙年：爸爸媽媽比想像中更愛你
撰文：洪曉璇
出版：更新：
以前有小生命誕生通常會擺滿月酒，依家嘅新手父母就通常會揀百日宴，因為BB大個啲抵抗力好啲，清醒時間又長啲，可以同親友比較多互動。陳智燊宋熙年嘅囝囝Damon八月出世，眨下眼已經100日大啦，呢日Jason同Sarah就上載咗百日宴嘅全家福。
陳智燊宋熙年嘅囝囝Damon真係相當可愛。（宋熙年IG）
Damon百日宴，陳家一家三口都著上皮褸，呢款親子裝真係好吸晴。（宋熙年IG）
Damon出世後，Jason同Sarah已經不時分享囝囝嘅可愛照片，呢日百日宴做主角當然要打扮得靚仔啲出席啦﹗見到佢地一家三口都著上皮褸，型格親子裝真係非常吸晴﹗原來因為Damon件小皮褸真在太可愛，所以爸爸媽媽就陪個仔一齊皮褸上陣。而裡面件T-Shirt都係特別印製，寫上「Team 100 Damon」，因為呢個百日宴係佢地一手一腳籌備同佈置。
除咗特別設計TEE，仲整定囝囝人型紙板，就唔使驚玩太耐Damon會攰啦。（陳智燊IG）
除咗小Damon好吸晴，仲有塊Damon人型紙板，原來係貼心嘅陳爸爸怕囝囝影太多相會攰特別準備替身，方便親友傳閱合照，認真細心。Sarah睇住囝囝一日一日長大，亦感性留言話：「我覺得迄今最大成就，就係組織屬於自己嘅家。好多謝兩位大小陳生，一直以來帶俾我嘅所有快樂。 Damon祝你一百日快樂，爸爸媽媽比你想像中更愛你…… 好感謝你選擇我們成為你父母…」
+5