應采兒凸肚追B成功？　12月初曾留言「媽媽從來不孤單」

應采兒同陳小春結婚8年，育有一子Jasper，一家3口互動甜蜜溫馨，之不過，應采兒就似乎認為一家四口更會開心，早前不時喺綜藝節目上提到有意再生B，並且以相當肯定嘅語氣話要生女。而日前，當應采兒於IG上載同閨密鄧麗欣合照時，只見身穿衛衣嘅佢腹部微微突起，令唔少網友即時留言表示：「這是懷孕了嗎」、「妹妹來了」。

雖然應采兒暫時未有回應，但有網友就搵到佢月初於微博上載嘅照片，身邊有一樽孕婦複合維生素，而當時應采兒留言係「做遊戲都要有隊友，我采鹅隊已經有隊友啦，那另一隊呢？#做媽媽從來不孤單#」如果話呢個係植入式廣告又似乎唔係好合理，因為連維生素個名都未有提及，於是一眾網友都紛紛送上祝賀，並希望佢哋早日公佈好消息。