訪問張衛健突然爆喊 《東張西望》黎寬怡擁有Model身形成功搶鏡

撰文:黃梓恒
出版:更新:

《大帥哥》日前為劇集的成功而舉辦祝捷晚會,作為主角的大帥哥當然有出席,而他接受訪問時就發生了一單小插曲,一位TVB《東張西望》女主播竟在他面前哭了。

話說當《東張西望》的女主播正在訪問張衛健、洪永城、蔡思貝和楊秀惠時,突然間主播眼泛淚光引來幾位前輩的注意,然後張衛健問她:「我見你眼泛淚光,咩事呀?」女主播就解釋:「我笑到標咗眼淚但又唔好意思收番入去。」張衛健繼續:「你又收到㗎啲眼淚?我要跟你學嘢咁喎。」有網民就指張衛健這兩三句對白相當之「寸」。

張衛健呢個眼神又真係幾凌厲,一齊逐格睇個訪問過程喇!
+15

鏡頭一轉,這位女主播喊得更加厲害,連楊秀惠都忍不住:「大哥(張衛健),你令到人喊喇。」這時張衛健開始意識到她真喊,不停安慰她,而女主播就解釋自己只是太緊張。

事件告一段落,觀眾們都相當好奇這位女主播是誰,其實她是第29期無綫電視藝員訓練班學員,名叫黎寬怡,綽號「貓仔」。在接受《香港01》訪問時,她說:「真係好緊張,可以同自己偶像張衛健做訪問,其實我本身有訂好問題,但當佢開始搞笑嗰陣我接唔住,開始有啲緊張就眼濕濕。之後嗰句『我笑到標咗眼淚但又唔好思意收返入去。』其實我係講錯嘢,搞到我情緒又激動啲。」

呢隻貓仔睇嚟要訓練下自己情緒喎!(IG圖片)

黎寬怡自訓練班畢業後,其實在不少劇集做過「跑龍套」,近幾個月才開始加入《東張西望》做主播,當初投選訓練班因為童年夢想是當一個在電視出鏡的藝人,不過經過今次之後,相信她都要好好訓練自己的情緒。擁有171cm身高Model身形加上標緻樣子的她其實在外形上十分優勝,如果能夠再穩定、鎮定一些,絕對可以再進一步。

佢絕對擁有做Model嘅條件!(IG圖片)
+15