【學是學非】鄺潔楹為脫地獄廚神污名 新年煮大餐畀家人享用
撰文：賴家杰
出版：更新：
鄺潔楹（Judy）今天（28日）出席《學是學非》第六季最後一集的拍攝，Judy表示今天其實十分不捨：「我入咗呢個大家座差唔多成年，一大班女仔開工真係好開心，同埋節目組一直畀好多角色我，同埋大家都見到佢哋係有度過，例如矮貴紀同柯南呢一類，點樣令我角色更出，所以好感恩。」
鄺潔楹（Judy）笑言唔經唔覺已加入《學是學非》一年了。（梁碧玲攝）
《學是學非》Judy憑著嬌小玲瓏的身型，為Judy帶來很多工作機會，Judy借此也想感謝，不過她笑言可以再多點外快：「入咗呢個節目真係多咗工作，（今年過肥年？）我厭我唔夠肥，位置可以再肥美少少，多少少油份。」
新春期間Judy透露終於有一個假期：「其實我整個2018年都無放過假，上年年尾有監製同我講殘咗好多，叫我不如放放假，所以今年新年會陪下屋企人，都想煮番餐畀佢哋食，我到時會開Live Show我廚藝，因為之前《美女廚房》畀人封做地獄廚神，所以我要開Live還番自己一個清白。」
Judy新年除了會煮「大餐」畀家人享用外，更笑言他們要吃什麼盡管買，她付錢。（梁碧玲攝）
+1