春嬌與志明元宵邂逅十周年 楊千嬅：完美結局
撰文：葉詩
出版：更新：
楊千嬅今日（19日）出席海洋公園萬豪酒店開幕典禮，對於廣州站演唱會門票火速售罄，千嬅表示：「多謝大家支持，對團隊嚟講係好大嘅鼓勵，班底裡面都有新嘅朋友，大家都多咗份信心，但同等地大家都多咗份壓力，所以嚟近都係訓練、練歌，希望可以俾個好嘅演出大家，呢個先係最重要。」問到關於香港場的消息，千嬅就說：「一定要返嚟香港（辦演唱會），因為香港係我屋企，希望係最後、尾站。」
千嬅日前到日本家庭旅行，原來是為了讓仔仔學滑雪。（梁碧玲攝）
適逢《春嬌與志明》十周年，千嬅感到十分神奇：「呢個好勁我想話俾大家聽，我拍完套戲我係唔知當年2月19號係春嬌同志明第一個邂逅嘅日子，今日元宵、又十周年，覺得幾開心嘅係，各自都有自己嘅家庭同小朋友，所以呢個係十年嘅完美結局。」談到彭浩翔導演即將拍攝《鹿鼎記》三部曲，千嬅表示自己本來就很喜歡這個故事，有份客串其中一個角色就已經很開心。
千嬅表示自己也學會了滑雪，甚有滿足感。（梁碧玲攝）