同遊日本一盡契爺責任 梁漢文幫鄭希怡湊女嗌好玩

撰文:葉詩
出版:更新:

梁漢文(Edmond)昨日(19日)出席海洋公園萬豪酒店開幕典禮,透露農曆新年與一大班朋友去日本旅行:「好難得喺農曆新年可以夾到個期,一齊去咗北海道滑雪。其實真係好難得,大家都有家室,比較少時間可以聚會,咁啱農曆年大家都得,就一齊喺嗰邊過咗一個禮拜,希望出年可以再約到時間,再一齊過去聚下。」

梁漢文指自己有工作在身,先行一步從日本回港。(梁碧玲攝)

遊日期間Edmond更一盡契爺責任,幫忙照顧鄭希怡(Yumiko)女兒梁浸浸:「平時喺香港又好少時間同到佢玩,今次又一齊去咗日本,其實去北海道之前留咗一日喺東京,所以就喺嗰到夾下公仔,又幫手湊下個女咁,都幾好玩。」問到照顧契女的感受如何?「佢(梁浸浸)好多Energy,大家知道啦,留喺東京嘅時間得一日,啲大人梗係拼命去搜羅,當大家都行都散晒、好攰嘅時候,啲小朋友仲好似叉晒電咁,就唯有輪流去照顧佢哋。」

梁漢文指自己是滑雪初哥,需要由教練輔助,同行的大家相當有興致,更早於八時半就在雪山門口等開門。(梁碧玲攝)

Edmond早前與鄭中基、方力申再度合體,被追問有否機會再次合作《美女廚房》,他說:「唔好咁認真啦!唔知啊,鄭中基啱啱先完Show,其實之前大家度呢壇嘢,度度下大家又覺得好好笑,跟住就話不如我哋完Show之後出嚟傾下有咩攪吓,都有傾過嘅,不過一開始新嘅一年大家又忙近,所以睇下會唔會成真啦。」看來各位喜歡《美女廚房》原班底的觀眾可以再期待一下。

梁漢文早前去日本滑雪,除了鄭希怡外,同行更有陳奕迅與太太徐濠縈、郭偉亮以及谷德昭等人。(Instagrram)
+7

【周五心意運動】您捐一封$50利是,已可為基層送上溫飽,01心意呼籲您支持【香港青年協會】 ,每$50即可製作5碗愛心湯和心意禮物https://heart.hk01.com/zh/project/10095