陳嘉寶上月誕下愛情結晶Hosanna 「對我生命有好大變」
撰文：吳子生
出版：更新：
陳嘉寶（Anjaylia)今日（26/2）出席尖沙咀舉行的著名意大利高級皮貝品牌活動。Anjaylia上月誕下囡囡，為女兒改英文名為Hosanna，小生命的來臨令她生命有著重大改變：「以前成日聽媽咪講，話我個樣可能一日變三次，又會成日發生事呀，媽咪對我哋嗰種着緊嗰份愛，你唔會切身處地去感受到，但當你有做咗人媽咪之後，就會感受到自己媽咪嘅心情，好似以前拍劇咁，叫你扮大肚，咁你只係用猜測感覺去演，但當自己經歷過之後，原來係好唔一樣！」
Anjaylia未有打算為囡囡舉行「百日宴」。（陳順禎攝）
此外，Anjaylia亦大讚老公黃頌祈夠細心，會全力幫手照顧囡囡：「好感恩佢好support我，佢真係好願意去幫手，從來都冇怨言，大家亦好著緊自己嘅小朋友，令我更加感動就係，自己見到老公著緊自己，將自己放喺第一位，所以我依家覺得好幸福。」
Anjaylia表示自細家教嚴厲，所以在對女兒管教上會比較着緊，（陳順禎攝）