洪卓立生日同事突襲送驚喜 Mani吻賀壽星仔紅都面晒勁怕醜

撰文:冼燕珊
出版:更新:

今日(2日)係洪卓立(Ken)嘅生日,但由於佢呢日有工作在身,唔喺香港,經理人霍汶希(Mani)夾埋一班英皇娛樂同事提早畀阿Ken一個生日驚喜。

一眾英皇同事準備咗生日驚畀阿Ken。

Mani趁住阿Ken日前要返公司開會,喺佢唔為意時,一班同事拎出蛋糕,然後大合唱生日快樂,阿Ken即時「紅都面晒」,勁怕羞笑住話:「多謝,多謝。」無諗過會突然「被慶祝」嘅阿Ken「嚇」到頭髮都豎起晒,Mani見佢個髮型太亂,即刻貼心幫佢梳返靚個頭。

Mani親自為阿Ken 整理頭髮,搞到佢「紅都面晒」。

除咗有同事送嘅生日蛋糕,阿Ken仲收到老闆楊受成送嘅花,並由集團CEO許佩斯送上。阿Ken拎住蛋糕許願時,放喺台上面紮花竟然漏水,一班同事高呼:「水為財啊!」相信2019年阿Ken嘅事業一定會風生水起,豬籠入水。

切完蛋糕,Mani先擁抱阿Ken,再送上香吻一個,搞到原本已經冷靚嘅阿Ken,又即刻變成個「紅蕃茄」。之後其他同事陸續送上香吻,係愛呀,Ken!

+3