結婚22年適逢老婆生日 黎耀祥指太太揀耳環做禮物：佢好知慳識儉
撰文：吳子生
出版：更新：
黎耀祥今日（2/3）出席在尖沙咀舉行的「藝進情濃30載」記者會，同場出席嘉賓有黃澤鋒、譚玉瑛，鄧英敏及阮德鏘等，現場氣氛熱鬧。祥仔表示：「藝進同學會有樣嘢好處，大家都係TVB訓練班出生，其實大家講返呢個會嘅背景，都會有好多回憶，好多感受，親切感係特別強嘅，早年我參加同學會嘅時候，我都有做話劇，所以大家嘅感情係比較好。」
黎耀祥今日出席「藝進情濃30載」記者會。（陳順禎攝）
上個月2月24日是祥嫂Julia（梁耀蓮）生日，適逢又是祥仔與祥嫂22周年結婚紀念日。祥仔表示自己唔係一個浪漫嘅人：「其實又冇乜特別揀咩禮物送畀佢，都係由佢自己揀啦，因為我唔係好識揀禮物嘅人，只要佢鍾意咩就買畀佢，最終佢揀咗一對耳環我送咗畀佢，其實只要佢鍾意，唔理咩日子佢鍾意都會買，不過佢都會知慳識儉。」
祥仔表示稍後會返內地傾談相關電影工作細節。（陳順禎攝）