【中華小姐2019】空中呼拉圈表演險失手 陳曉華:冇諗過現場失手

撰文:吳子生
出版:更新:

一年一度國際大型選美盛事《國際中華小姐競選2019》,昨晚(2/3)假將軍澳電視城隆重舉行,來自世界各地的華裔小姐共同角逐冠軍殊榮。最終代表香港出戰的陳曉華(Hera)大熱姿態勇奪冠軍,不過Hera在空中呼拉圈才藝表演時,差點失手,看到在場人士目定口呆,可以話有驚無險,最終順利完成。

Hera表示參選《中華小姐》其間接受一連串訓練,十多日都沒有見過家人,今晚家人到場支持,非常感動。(陳順禎攝)
+4

賽後Hera接受《香港01》訪問時說:「其實當時我自己都好驚訝,我冇諗過自己會失手嘅,始終我有十幾日冇練過啦,之前rehearsal都有試過一兩次,𠴱兩次我都成功嘅,但冇諗過現場都會失手,咁𠴱下表情緊張咗一下,可能大家睇唔到,咁我就即刻把握𠴱40秒時間,雖然只得40秒時間,咁我都要盡力去表演,所以我即刻跟返個心情,跟返個節奏去做。」(依家心情點?最想做乜?)「我依家嘅心情最希望可以食朱古力,想食返啲甜嘢個人會開心啲,返到屋企我想訓返多啲覺,我諗我緊張完一排再放鬆,相信我會好快病,同埋我真係冇諗過會攞呢個獎。」

Hera空中呼拉圈才藝表演時,差點失手,有驚無險完成。(葉志明攝)
+5