張丹峰再與疑似小三酒店密會7小時 畢瀅睡袍look等收工短片流出
撰文：鄺鈺瑩
出版：更新：
畢瀅早前被拍到時，都會打扮得整整齊齊進入張丹峰房屋，而呢日佢就causal到不得了。
洪欣老公張丹峰於重慶拍攝期間，接連被影到與經理人畢瀅每日收工後共處一室至夜深，而至今，無論係洪欣、張丹峰定係畢瀅都未有作出任何回應。而今日，內地傳媒又有新影片流出，雖然都只係影到畢瀅出入張丹峰房間，但今次唔同嘅係，素顏嘅畢瀅身穿睡袍。
張丹峰拍攝時多數由助手陪同，身為經理人嘅畢瀅則留在酒店。
內地傳媒指出，當日張丹峰約11時外出開工，但就只有助手陪同，而留守酒店嘅畢瀅，姿態猶如「女主人」一樣，自由出入張丹峰房間幫忙打掃同收快遞。到下午5時許，張丹峰收工，助手護送佢返酒店房間後獨自離去，而呢個時候，「女主人」畢瀅以一身睡袍、拖鞋袍look進入張丹峰房間，直到深夜時份，畢瀅才返回自己房間，數數手指，今次逗留時間有近7小時……除咗傾劇本之外，相信連戲都可以拍到幾場。
喺張丹峰房間逗留期間，畢瀅曾將二人用膳後嘅垃圾放置於門外，之外，房門再次打開已經係深夜。
+4