朱玲玲昨晚出席慧妍雅集37週年慈善晚會，她以永遠名譽會長的身份出席。她笑言已經把所有東西交給年輕一輩做，自己就輕輕鬆鬆來吃飯，和朋友敘舊：「我地平時開會都唔係全部members都黎，依家有機會見返佢地係最開心嘅。」

朱玲玲 (左二) 每年都會被問保養大法，但她笑言沒秘方，只要保持平常心就是最佳狀態。(陳志嵐攝)

玲玲姐自1977年當選港姐以來一直都被稱讚keep得好，原來她有做開運動保持健康：「我鐘意打羽毛球，但之前有整親膊頭，無以前打得咁激烈。」玲玲姐現時有三個分別六歲、兩歲和四個月大的愛孫，身為嫲嫲的玲玲姐也感嘆現時細路仔年紀小小已經有好多活動：「我知佢地有好多activities，好似游水咁，我覺得都夠。」又笑言湊孫不辛苦，最辛苦都是兒媳郭晶晶。

朱玲玲說覺得三個愛孫年紀小小已經有很多活動，又表示兒媳郭晶晶比她更辛苦。(陳志嵐攝)

玲玲姐亦提到港姐不單是一個身份，更變成她生活的全部。「港姐係我嘅life，我好fortunate (幸運)。希望所有未來港姐都可以stay healthy，stay beautiful。」

最美麗港姐朱玲玲唔覺湊孫辛苦：「晶晶辛苦啲」！